صدمه......!!!!

المصريون لا يصلحون للعمل فى اماكن محترمه لان عيوبهم كثيره و فادحه
الجبن و النفاق و الكذب و المراوغه و الكسل عدم القدره على التفكير المنظم
و اسوأ من ذلك العشوائيه و الفهلوه......
بالطبع هذا ليس رأيى فى المصريين و لكنها جمله قالها رأفت ثابت شخصيه فى روايه شيكاجو للكاتب علاء الاسوانى
و لكن و انا اقرأ الروايه استوقفتنى هذه الجمله هل هذه العيوب موجوده فى المصريين فعلا بصراحه انا حاسس انها موجوده بس مش عايز اعترف
بس و انا بقرأ الروايه اللى انا شايفها روايه جامده جدا و عجبانى اوى
خطر فى بالى مواقف شوفتها بتثبت ان المصريين فيهم الصفات دى بس انا لسه بعاند نفسى و مش عايز اعترف ان الصفات دى موجوده فى شعبنا المصرى
لكن قبل اعرض هذا المقال عليكم تناقشت فيه مع احد اصدقائي الذي ابدي وجهة نظر اخري هي ان انتا عشان تصف شعب كامل بهذه الصفات لازم تكون موجودة في الغالبية العظمي لهذا الشعب ومن هذا المنطلق نجد ان هذه الصفات سوف ينطبق بعضها علي الشعب المصري واما البعض الاخر فلا يمكن ان تنطبق علي هذا الشعب باختصار هو رأيه ان الفهلوة والعشوائية تنطبق علي الشعب المصري وضرب لي امثله على ذلك اما باقي الصفات موجودة في البعض من هذا الشعب وهذا في حد ذاته طبيعي وسوف تجده في اي شعب اخر علي الارض
ممكن تقولوا لى رأيكم و هل الصفات دى موجوده فى المصريين ولا لا